Նորվեգիայի Ֆյորդե քաղաքում ընթացող ծանրամարտի աշխարհի առաջնությունում պայքարը սկսեցին Հայաստանի ներկայացուցիչները:
Տղամարդկանց 60 կգ քաշային կարգի A խմբի մրցապայքարին մասնակցեց Եվրոպայի առաջնության բրոնզե մեդալակիր Գառնիկ Չոլակյանը, որը երկամարտի 275 կգ (123+152) արդյունքով զբաղեցրեց 10-րդ տեղը: Չոլակյանը պոկում վարժությունում 8-րդն էր, հրումում` 10-րդը: Հայ ծանրորդը յուրաքանչյուր վարժությունում ունեցավ մեկական հաջող մոտեցում:
Այս քաշային կարգում աշխարհի չեմպիոն դարձավ չինացի Հաո Վանը, որը երկամարտում գրանցեց 302 կգ (138+164) արդյունք:
