UFC-ի առաջատար հայ մարտիկ Արման Ծառուկյանը միջին քաշային կարգի նորընծա չեմպիոն Խամզաթ Չիմաևի և նրա թիմի հետ լուսանկարներ է հրապարակել` գրելով. «Լավագույնը»:
Ծառուկյանը չեչեն մարտիկին օգնել էր պատրաստվել տիտղոսային մենամարտին:
Ռուսաստանը ներկայացնող հայ թենիսիստ Կարեն Խաչանովը ևս Չիկագոյում ներկա է եղել Չիմաևի չեմպիոնական մենամարտին: Աշխարհի 12-րդ ռակետը 31-ամյա մարտիկի հետ լուսանկար է հրապարակել և գրել. «Չեմպիոնի հետ»:
Հիշեցնենք, որ ԱՄԷ-ն ներկայացնող մարտիկը UFC 319-ի գլխավոր մենամարտում մրցավարների միաձայն որոշմամբ հաղթել էր Հարավաֆրիկյան Հանրապետությունը ներկայացնող Դրիկուս դյու Պլեսիին, որից էլ «խլել» էր չեմպիոնական գոտին:
Չիմաևն անպարտելի է օկտագոնում, ունի 15 հաղթանակ: Դյու Պլեսին գրանցել է 23 հաղթանակ և 3 պարտություն:
