UFC-ի թեթև քաշային կարգի մենամարտից առաջ Արման Ծառուկյանն ու Դեն Հուկերը հայացքներով բախվել են:
29-ամյա հայ մարտիկը գլխով թեթև հարված է հասցրել Հուկերին: 35-ամյա նորզելանդացին փորձել է պատասխանել, սակայն երկու մարտիկների թիմակիցները բաժանել են նրանց:
Թեթև քաշային կարգի երկրորդ և 6-րդ համարների մենամարտը տեղի կունենա նոյեմբերի 22-ին՝ Դոհայում կայանալիք UFC-ի մրցաշարում, որի հիմնական քարտի դիմակայությունները Երևանի ժամանակով 22:00-ից կցուցադրվեն Fast TV հավելվածում (iOS, Android):
