UFC-ի թեթև քաշային կարգի չեմպիոն Իլյա Տոպուրիան սոցցանցերում հայտարարել է, որ օկտագոն կվերադառնա 2026 թվականի ապրիլից ոչ շուտ:
«Ես չեմ մենամարտի հաջորդ տարվա առաջին եռամսյակում։ Այժմ ես դժվարին շրջան եմ ապրում անձնական կյանքումս։ Ես ուզում եմ կենտրոնանալ երեխաներիս վրա և հնարավորինս շուտ լուծել այս հարցը։
Երբ ամեն ինչ կարգավորվի, ես կտեղեկացնեմ UFC-ին վերադառնալու պատրաստակամության մասին»,- գրել է Իսպանիան ներկայացնող վրացի մարտիկը:
I won’t be fighting in the first quarter of next year. I’m going through a difficult moment in my personal life. I want to focus on my children and resolve this situation as soon as possible.
— Ilia Topuria (@Topuriailia) November 27, 2025
I don’t want to hold up the division. The UFC will make the matchups needed, and as soon…
Հիշեցնենք, որ հայ մարտիկ Արման Ծառուկյանը Դոհայի մրցաշարի գլխավոր մենամարտում նորզելանդացի Դեն Հուկերին խեղդող հնարքով հաղթելուց հետո հայտարարել էր հունվարին Տոպուրիայի դեմ տիտղոսային մենամարտ անցկացնելու պատրաստակամության մասին:
UFC-ի մրցաշարերը ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր մենամարտերը հեռարձակվում են Fast TV հավելվածում (iOS, Android):
