Ֆուտբոլի Ուրուգվայի ազգային հավաքականի կիսապաշտպան Ռոդրիգո Բենտանկուրը ներողություն է խնդրել Լոնդոնի «Տոտենհեմում» իր ակումբակից Հյոն Մին Սոնից։
The Guardian-ը գրում է, որ համացանցում տեսանյութ է տարածվել, որտեղ ուրուգվայցի հաղորդավար Ռաֆա Կոտելոն Բենտանկուրից խնդրում է իր թիմակիցներից մեկի մարզաշապիկը.
«Սոնի՞։ Դա կարող է լինել նաև նրա զարմիկի մարզաշապիկը։ Նրանք բոլորն ունեն նույն արտաքինը»,- պատասխանել է Բենտանկուրը։
Հետագայում 26-ամյա ֆուտբոլիստը սոցցանցերում ներողություն է խնդրել հարավկորեացի հարձակվողից.
«Սոնի, եղբայր, ներողություն եմ խնդրում կատարվածի համար։ Դա շատ վատ կատակ էր։ Դու գիտես, որ սիրում եմ քեզ։ Ես երբեք չեմ անարգել ու վիրավորել քեզ կամ մեկ ուրիշին»,- գրել է Բենտանկուրը։
Բենտանկուրը լոնդոնյան ակումբ է տեղափոխվել 2022 թ. հունվարին և 69 խաղում դարձել է 7 գոլի ու 7 արդյունավետ փոխանցման հեղինակ։
