Չեմպիոնների լիգայի խմբային փուլի երկրորդ տուրում Մյունխենի «Բավարիան» այսօր երեկոյան Դանիայում կհանդիպի «Կոպենհագենին»։ Խաղից առաջ գերմանական գրանդի գլխավոր մարզիչ Թոմաս Տուխելը նշել է, որ թիմը պատրաստ է առաջիկա հանդիպմանը։
«Անհանգստություն չենք զգում։ Ցանկացած նոր տեղեկություն քննարկում ենք ֆուտբոլիստների հետ։ Տեսական մարզումների ընթացքում շատ լավ աշխատանք ենք կատարել։ Առաջիկա խաղում շեշտը դնելու ենք գոլային հնարավորությունների վրա»,- 50-ամյա մասնագետի խոսքերն է մեջբերում ՈՒԵՖԱ-ի պաշտոնական կայքը։
Առաջին տուրում «Բավարիան» 4-3 հաշվով հաղթել էր «Մանչեսթեր Յունայթեդին», իսկ «Կոպենհագենը» 2-2 հաշվով ոչ-ոքի էր խաղացել «Գալաթասարայի» հետ։
