Բրիտանացի անպարտելի բռնցքամարտիկ, գերծանր քաշային կարգում WBC վարկածով աշխարհի չեմպիոն Թայսոն Ֆյուրին հերթական անգամ հայտարարել է կարիերան ավարտելու մասին։
Ֆյուրին իր ծննդյան 34-ամյակի օրն՝ օգոստոսի 12-ին, հայտարարել մարզական կարիերան ավարտելու մասին:
«Շնորհակալություն եմ հայտնում բոլորին, որոնք այս տարիների ընթացքում ներդրումներ են կատարել իմ կարիերայում: Երկար ու լարված բանակցություններից հետո վերջապես որոշեցի հեռանալ։
Ծննդյանս օրն ասում եմ՝ «Հաջողություն»: Ես երախտապարտ եմ բոլորին, որոնք այս ճանապարհորդությունն առանձնահատուկ դարձրեցին, հատկապես կնոջս՝ Փերիսին: Նա ինձ ավելի շատ օգնեց, քան մեկ ուրիշը»,- գրել է բրիտանացին սոցցանցերում:
Հիշեցնենք, որ երեք օր առաջ Թայսոն Ֆյուրին հայտարարել էր ռինգ վերադառնալու մտադրության մասին: Նա ցանկանում էր երրորդ անգամ մենամարտել Դերեկ Չիսորայի հետ:
Թայսոն Ֆյուրին IBF, WBA, WBO և IBO վարկածներով աշխարհի նախկին չեմպիոն է:
MASSIVE THANKS TO EVERYONE WHO HAD AN INPUT IN MY CAREER OVER THE YEARS & AFTER LONG HARD CONVERSATIONS IV FINALY DECIDED TO WALK AWAY & ON MY 34th BIRTHDAY I SAY Bon voyage. HEARS A FEW WHO MADE IS SPECIAL ALONG THE WAY… pic.twitter.com/jNeF1CbBqm
— TYSON FURY (@Tyson_Fury) August 12, 2022


