Եվրոպա լիգայի մամուլի ծառայությունը խմբային փուլի առաջին տուրի հանդիպումների ավարտից հետո ներկայացրել է շաբաթվա լավագույն ֆուտբոլիստի հավակնորդներին:

Տուրի լավագույնի կոչմանը հավակնում են Մատիաս Վեսինոն («Լացիո»), Տոկմակ Նգուենը («Ֆերենցվարոշ»), Մարկինյոսը («Արսենալ») և Վիլիան Ժոզեն («Բետիս»):

Վեսինոն դուբլ և 2 ասիստ էր գրանցել «Ֆեյենորդի» դեմ խաղում (4:2), Նգուենն (+1 ասիստ) ու Ժոզեն նույնքան անգամ գոլով աչքի էին ընկել համապատասխանաբար «Տրաբզոնսպորի» (3-2) և ՀԻԿ-ի դեմ (2-0) հանդիպումներում, իսկ Մարկինյոսը բացել էր «Ցյուրիխի» դեմ արտագնա հանդիպման հաշիվը, նաև գոլային փոխանցում էր կատարել Նկետիային (2-1):