Իսպանիան ներկայացնող վրացի անպարտելի մարտիկ Իլիա Թոփուրիան Անահայմում կայացած UFC 298 մրցաշարի գլխավոր մենամարտում նոկաուտով հաղթել է ավստրալացի Ալեքսանդր Վոլկանովսկիին:
Թոփուրիան մենամարտի ելքը վճռել է երկրորդ ռաունդում: Այս հաղթանակի շնորհիվ վրացին նվաճել է UFC-ի կիսաթեթև քաշային կարգի չեմպիոնական գոտին, որը մինչև այս պատկանում էր Վոլկանովսկիին:
Թոփուրիայի կարիերայում սա 15-րդ հաղթանակն է, Վոլկանովսկին օկտագոնում անցկացրել է 30 մենամարտ, տարել 26 հաղթանակ և պարտվել չորս դիմակայությունում:
