UFC-ի անպարտելի մարտիկ Խամզաթ Չիմաևի մարզիչ Ազամատ Դուգուլուբովը պատահաբար բացահայտել է իր սանի հաջորդ մրցակցին:
Մարզիչը հրապարակել է UFC-ի մենամարտ դիտելու լուսանկար, որտեղ մարտիկների անունները քողարկված են եղել:
«Արդեն ուսումնասիրում եմ «Բորզի» հաջորդ մրցակցին»,- լուսանկարին կից գրել է Դուգուլուբովը:
Երկրպագուներին հաջողվել է պարզել, որ լուսանկարը ամերիկացի Ջարեդ Կանոնիրի և իտալացի Մարվին Վետորիի միջև մենամարտից է:
Ամենայն հավանականությամբ, Շվեդիան ներկայացնող Չիմաևի հաջորդ մրցակիցը կլինի Ջարեդ Կանոնիրը, որն այդ մենամարտում մրցավարների միաձայն որոշմամբ հաղթել էր իտալացուն:
Հիշեցնենք, որ Խամզաթ Չիմաևը MMA-ում անցկացրել է 12 մենամարտ ու տարել նույնքան հաղթանակ (6 նոկաուտ):
