Աշխարհի առաջին ռակետ Յանիկ Սիները դուրս է եկել «Մեծ սաղավարտի» տարվա վերջին մրցաշար ԱՄՆ-ի բաց առաջնության տղամարդկանց մենախաղի եզրափակիչ:
Մրցաշարի գործող չեմպիոնը կիսաեզրափակիչում 6-1, 3-6, 6-3, 6-4 հաշվով հաղթել է աշխարհի 27-րդ ռակետ Ֆելիքս Օժե-Ալյասիմին: Իտալացին կանադացու արգելքը հաղթահարել է 3 ժամ 20 րոպեում:
Սիները տիտղոսը կփորձի պաշտպանել աշխարհի երկրորդ ռակետ Կառլոս Ալկարասի դեմ պայքարում: Իսպանացին կիսաեզրափակիչում հաղթել էր Նովակ Ջոկովիչին:
