Հանրահայտ չեխ թենիսիստուհի, աշխարհի նախկին երկրորդ համար Պետրա Կվիտովան «Մեծ սաղավարտի» տարվա վերջին մրցաշար ԱՄՆ-ի բաց առաջնության կանանց մենախաղի առաջին շրջանում պարտվելուց հետո հայտարարել է կարիերան ավարտելու մասին:
«Ուիմբլդոնի» կրկնակի չեմպիոնը 1-6, 0-6 հաշվով պարտվեց աշխարհի 107-րդ ռակետ Դիան Պարիին: Ֆրանսուհին 35-ամյա չեխի արգելքը հաղթահարեց 51 րոպեում:
Մրցախաղի ավարտից հետո մրցաշարի կազմակերպիչները Կվիտովայի ելույթների վերաբերյալ հուզիչ տեսանյութ են ներկայացրել:
Կվիտովան նաև WTA-ի մրցաշարերի 29 տիտղոս է նվաճել, 2016 թվականի Ռիոյի Օլիմպիական խաղերում էլ դարձել էր բրոնզե մեդալակիր:
