UFC-ի միջին քաշային կարգի աշխարհի չեմպիոն, նիգերիացի Կամարու Ումանը հայտնել է, որ պատրաստ է մենամարտել իռլանդացի Քոնոր Մաքգրեգորի հետ: Մաքգրեգորը կիսաթեթև և թեթև քաշային կարգերի նախկին չեմպիոն է:
«Մաթգրեգորը կարող է մարտահրավեր նետել ինձ, սակայն նա դժվար թե համաձայնի մենամարտել: UFC-ին նույնպես ցանկություն չունի կազմակերպել այդ մենամարտը, քանի որ Քոնորը մեծ աստղ է և կարող է ընտրել իր մրցակիցներին։ Նրա հետ մենամարտելն, անկասկած, եկամտաբեր է: Եթե նման հնարավորություն լինի, առանց երկար մտածելու կստորագրեմ պայմանագիրը»,- «Նիգերիական մղձավանջի» խոսքը փոխանցում I AM ATHLETE-ը:
UFC 278-ում 35-ամյա Ուսմանն օգոստոսի 21-ին երկրորդ մենամարտն է անցկացնելու անգլիացի Լեոն Էդվարդսի հետ, որին մեկ անգամ հաղթել է մրցավարների միաձայն որոշմամբ:
Քոնոր Մաքգրեգորը նախորդ մենամարտն անցկացրել է հուլիսի 11-ին UFC 264 մրցաշարի ընթացքում: ԱՄՆ ներկայացուցիչ Դասթին Պորյեի հետ մենամարտի 1-ին ռաունդում իռլանդացին ստացել էր ոտքի կոտրվածք և պարտվել տեխնիկական նոկաուտով:
