«Վանի» գլխավոր մարզիչ Վահե Գևորգյանը Հայաստանի գավաթի խաղարկության կիսաեզրափակիչում «Նոայի» դեմ առաջին խաղից (0:2) հետո խոստացել է պատասխան մրցավեճում թեժ պայքար ապահովել:
Հայ մասնագետն անդրադարձել է նաև առաջին խաղակեսում տեղի ունեցած կոնֆլիկտին, որին մասնակցել են նաև երկու թիմերի մարզչական շտաբի ներկայացուցիչները:
«Թեժ հանդիպում եմ խոստանում «Նոային»՝ ի դեմս նրանց գլխավոր մարզչի ու մարզչական շտաբի: Թեժ, շատ թեժ: Եվ դա ֆուտբոլի խաղադաշտում, այլ ոչ թե իրենց նման լկտի պահվածք»,- ասել է Գևորգյանը:
«Վան» - «Նոա» պատասխան խաղը կկայանա ապրիլի 30-ին:
