Իսպանական «Վալենսիան» ծրագրում է խզել պայմանագիրն ուրուգվայցի հարձակվող Էդինսոն Կավանիի հետ, հաղորդում է Diario AS-ը:
36-ամյա ֆուտբոլիստը 2022 թվականի ամռանն է անգլիական «Մանչեսթեր Յունայթեդից» ազատ գործակալի կարգավիճակում տեղափոխվել «Վալենսիա», որի կազմում անցկացրած 28 խաղում խփել է 7 գոլ:
Ավելի վաղ հաղորդվում էր, որ Կավանին կարող է տեղափոխվել Թուրքիայի առաջնություն: Նրա ծառայություններով հետաքրքրված է «Ադանա Դեմիրսպորը», որը շուտով կգլխավորի հոլանդացի լեգենդար ֆուտբոլիստ Պատրիկ Կլյույվերտը:
Կարիերայի ընթացքում ուրուգվայցին խաղացել է նաև ֆրանսիական ՊՍԺ-ում, իտալական «Նապոլիում», «Պալերմոյում», Ուրուգվայը ներկայացնող «Դանուբիոյում»:
