Վալերի Կարպինը հեռացել է Մոսկվայի «Դինամոյի» գլխավոր մարզչի պաշտոնից, հայտնում է ակումբի մամուլի ծառայությունը։
56-ամյա մասնագետը սեփական ցանկությամբ է հեռացել մոսկովյան ակումբից։
«Դինամոն» Կարպինի գլխավորությամբ հանդես էր գալիս 2025թ. հուլիսից, 22 խաղում տարել է 8 հաղթանակ, գրանցել 5 ոչ-ոքի, կրել 9 պարտություն։ Ակումբում նրան փոխարինել է օգնական Ռոլան Գուսևը, որը նշանակվել է գլխավոր մարզչի ժամանակավոր պաշտոնակատար։
Կարպինը 2021թ. հուլիսից մարզում է նաև Ռուսաստանի ազգային հավաքականը։
