«Մանչեսթեր Յունայթեդն» իր պաշտոնական կայքում հայտնել է, որ թիմի կիսապաշտպան Դոնի վան դե Բեկը տեղափոխվել է «Էվերտոն»։ «Կապույտները» մինչև մրցաշրջանի ավարտը վարձակալել են նիդեռլանդցուն։

Ընթացիկ մրցաշրջանում Վան դե Բեկը մանչեսթերյան ակումբի կազմում մասնակցել է 14 հանդիպման ու դարձել 1 գոլի հեղինակ։ Կիսապաշտպանը «Մանչեսթեր Յունայթեդի» կազմում հանդես է գալիս 2020 թվականից, որտեղ տեղափոխվել էր «Այաքսից»՝ 39 մլն եվրոյի դիմաց։

«Կարմիր սատանաների» հետ կիսապաշտպանի կնքած պայմանագիրն ուժի մեջ է մինչև 2025 թվականը։