Ֆուտբոլի Հայաստանի 32-րդ առաջնության երկրորդ տուրում Չարենցավանի «Վանը» սեփական խաղադաշտում նվազագույն հաշվով հաղթեց Գյումրիի «Շիրակին»։ Դաշտի տերերի հաղթական գոլը երկրորդ խաղակեսի սկզբնամասում խփեց նիգերիացի կիսապաշտպան Քրիստոֆեր Բոնիֆեյսը։

«Վանի» կիսապաշտպան Դավիթ Մանոյանը 250-րդ հանդիպումն անցկացրեց Հայաստանի առաջնություններում՝ դառնալով այդ ցուցանիշին հասած 55-րդ ֆուտբոլիստը։ 33-ամյա ֆուտբոլիստը խաղացել է հայկական 6 ակումբներում։

Հիշեցնենք, որ այս տուրի առաջին խաղում ԲԿՄԱ-ն նվազագույն հաշվով հաղթել էր «Նոային»։

Մեկնարկային տուրում «Շիրակը» հյուրընկալվելիս 4-2 հաշվով կամային հաղթանակ էր տարել «Վեստ Արմենիայի» նկատմամբ, իսկ «Վանը» մրցակցի խաղադաշտում նվազագույն հաշվով պարտվել էր «Նոային»։

Հայաստանի առաջնություն, երկրորդ տուր

«Վան» - «Շիրակ»՝ 1-0

Քրիստոֆեր Բոնիֆեյս, 47

Օգոստոսի 6

«Փյունիկ» - «Արարատ»՝ 19։00 (Աբովյանի քաղաքային մարզադաշտ)

Օգոստոսի 7

«Վեստ Արմենիա» - «Ալաշկերտ»՝ 18։00 («Ջունիոր սպորտ» մարզադաշտ)

«Ուրարտու» - «Արարատ-Արմենիա»՝ 20։00 («Ուրարտու» մարզադաշտ)