Վարազդատ Հարոյանը հեռացել է «Կազինցբարցիկայից», հայտնում է ակումբի պաշտոնական էջը:
33-ամյա պաշտպանը, որն ամռանն էր տեղափոխվել հունգարական ակումբ, խնդրել է երկկողմ համաձայնությամբ խզել պայմանագիրը: Ակումբը, հաշվի առնելով կողմերի միջև լավ հարաբերությունները, համաձայնել է պայմանագրի խզման առաջարկին:
Ընթացիկ մրցաշրջանում Վարազդատ Հարոյանը Հունգարիայի առաջնությունում անցկացրել է 9 հադնիպում, իսկ «Դեբրեցենի» դեմ երրորդ տուրի խաղում աչքի է ընկել գոլով:
