Չեմպիոնների լիգայի գավաթի խաղարկության որակավորման 2-րդ փուլում Մակեդոնիայի չեմպիոն «Վարդարը» մրցակցի հարկ տակ ուժերն է չափել Շվեդիայի ամենատիտղոսակիր ակումբի՝ «Մալմյոյի» հետ:
Գրանցվել է ոչ-ոքի՝ 1-1: Հայաստանի հավաքականի ֆուտբոլիստներ Տիգրան Բարսեղյանը և Հովհաննես Համբարձումյանը մասնակցել են հանդիպմանը: Բարսեղյանը դեղին քարտ է ստացել և փոխարինվել 72-րդ րոպեին, իսկ Համբարձումյանը խաղադաշտում է անցկացրել ամբողջ 90 րոպեն:
Թիմերի պատասխան մրցավեճը կկայանա հուլիսի 18-ին:
