Հայաստանի Պրեմիեր լիգայի 28-րդ տուրի վերջին խաղում «Վեստ Արմենիան» «Ջունիոր Սպորտ» մարզադաշտում ընդունեց Գյումրիի «Շիրակին» և հաղթանակ կորզեց 1-0 հաշվով:

Խաղի միակ գոլը 77-րդ րոպեին խփեց նիգերիացի հարձակվող Չիդերա Կրիստիան Օպարաոչան: «Շիրակի» կազմում 84-րդ րոպեին կարմիր քարտ ստացավ և խաղադաշտից հեռացվեց սերբ դարպասապահ Դարկո Վուկաշինովիչը:

«Վեստ Արմենիան» 28 միավորով 7-րդն է, «Շիրակը» 23 միավորով մնաց վերջին՝ 10-րդ տեղում և մեկ միավոր է զիջում 9-րդ տեղում գտնվող ԲԿՄԱ-ին:

Հայաստանի Պրեմիեր լիգա, 28-րդ տուր

«Վեստ Արմենիա» - «Շիրակ»՝ 1-0

Չիդերա Կրիստիան Օպարաոչա, 77

Հեռացում՝ Դարկո Վուկաշինովիչ, 84 («Շիրակ»)

Ֆոտո՝ «Վեստ Արմենիայի» մամուլի ծառայություն