«Բոլոնիայի» գլխավոր մարզիչ Վինչենցո Իտալիանոն հայտնվել է «Միլանի» թիրախում, հայտնում է La Gazzetta dello Sport-ը:
«Ռոսոներին» 47-ամյա մասնագետին դիտարկում է որպես Սերժիու Կոնսեյսաուի հավանական փոխարինող:
«Միլանի» կարճ ցուցակում են հայտնվել նաև Մասիմիլիանո Ալեգրին, Մաուրիցիո Սարին, Ռոբերտո Դե Ձերբին և Սեսկ Ֆաբրեգասը:
Հիշեցնենք, որ Վինչենցո Իտալիանոյի գլխավորած «Բոլոնիան» Իտալիայի գավաթի եզրափակիչում նվազագույն հաշվով հաղթել էր «Միլանին» և 54 տարվա ընդմիջումից հետո տիրացել էր գավաթին:
