Բիլբաոյի «Աթլետիկի» դեմ ընկերական խաղից հետո «Լիվերպուլի» նորեկ Ֆլորիան Վիրցը նշել է, որ գոհ է խաղադաշտում իրեն տրված ազատությունից, հայտնում է մերսիսայդյան ակումբի պաշտոնական կայքը:
«Ես այն խաղացողներից եմ, որոնք խաղադաշտում ազատ գործելու կարիք ունեն: Խաղի ընթացքում շատ եմ աշխատում և միշտ փորձում եմ ճիշտ դիրք ընտրել ու տարածություններ ստանալ: Խաղ առ խաղ ավելի լավ եմ զգում և իսկապես վայելում եմ թիմում առաջին շաբաթներս»,- ասել է գերմանացին:
«Լիվերպուլին» միանալուց հետո 22-ամյա ֆուտբոլիստը մասնակցել է 3 ընկերական հանդիպման՝ «Յոկոհամայի» դեմ խաղում աչքի ընկնելով դարպասի գրավմամբ:
