«Յուվենտուսի» հարձակվող Դուշան Վլահովիչը, հնարավոր է, տեղափոխվի «Չելսի», հայտնում է Times-ը:
Լոնդոնյան ակումբը նոր հարձակվող է փնտրում, քանի որ Քրիստոֆեր Նկունկուն ցանկանում է հեռանալ քիչ խաղաժամանակի պատճառով, և սերբ հարձակվողն անգլիական գրանդի դիտակետում է: «Յուվենտուսը» լավ առաջարկի դեպքում կարող է դիտարկել 24-ամյա ֆուտբոլիստից բաժանվելու տարբերակը՝ չնայած նրան, որ Վլահովիչը թիմի գլխավոր ռմբարկուն է այս մրցաշրջանում (22 խաղ, 12 գոլ):
Հակառակ ուղղությամբ կարող է տեղափոխվել «Չելսիի» պաշտպան Ռենատո Վեյգան:
