«Ոսկե գնդակի» մրցանակաբաշխությունը 2025 թվականին կկայանա սեպտեմբերի 22-ին Ֆրանսիայի մայրաքաղաք Փարիզում, հայտնում է ՈՒԵՖԱ-ի պաշտոնական կայքը։

Միջոցառման ժամանակ կհանձնվեն հետևյալ մրցանակները.

• Տղամարդկանց ու կանանց ֆուտբոլի «Ոսկե գնդակ» (լավագույն ֆուտբոլիստ),
• Տղամարդկանց ու կանանց ֆուտբոլի` Ռայմոն Կոպայի անվան մրցանակ (լավագույն երիտասարդ ֆուտբոլիստ),
• Տղամարդկանց ու կանանց ֆուտբոլի` Լև Յաշինի անվան մրցանակ (լավագույն դարպասապահ),
• Տղամարդկանց ու կանանց ֆուտբոլի` Գերդ Մյուլերի անվան մրցանակ (գլխավոր ռմբարկու),
• Տղամարդկանց ու կանանց ֆուտբոլի` Յոհան Կրոյֆի անվան մրցանակ (լավագույն մարզիչ),
• Տղամարդկանց ու կանանց ֆուտբոլի տարվա խորհրդանշական հավաքական,
• Սոկրատեսի անվան մրցանակ։

Բոլոր մրցանակների հավակնորդները կհրապարակվեն օգոստոսի սկզբին։

Հիշեցնենք, որ տղամարդկանց «Ոսկե գնդակի» գործող դափնեկիրը «Մանչեսթեր Սիթիի» կիսապաշտպան Ռոդրին է։ Կանանցից մրցանակին նախորդ տարի արժանացել է «Բարսելոնայի» ֆուտբոլիստ Այտանա Բոնմատին։