Մադրիդի «Ռեալի» հարձակվող Կիլիան Մբապեն «Ոսկե խաղակոշիկի» պայքարում շրջանցել է «Սպորտինգի» հարձակվող Վիկտոր Դյոկերեշին և այժմ առաջատարն է:
«Ռեալ Սոսյեդադի» դեմ Լա լիգայի 38-րդ տուրի հանդիպման առաջին խաղակեսում ֆրանսիացի հարձակվողն աչքի է ընկել դարպասի գրավմամբ: Ընդմիջումից հետո «Ռեալը» հաղթում է 1-0 հաշվով: Հանդիպումը ցուցադրվում է «Ֆասթ Սպորտ»-ի ուղիղ եթերում:
Լա լիգայի 2024/25 մրցաշրջանում խփած այս պահին 30 գոլով (60 միավոր) Կիլիան Մբապեն առաջատար է «Ոսկե խաղակոշիկի» համար պայքարում: Երկրորդ տեղում «Սպորտինգի» հարձակվող Վիկտոր Դյոկերեշն է, որը խփել է 39 գոլ (58,5 միավոր): Երրորդը «Լիվերպուլի» վինգեր Մոհամեդ Սալահն է, որն աչքի է ընկել 28 գոլով (56 միավոր): «Քրիստալ Փելասի» դեմ Անգլիայի Պրեմիեր լիգայի վերջին տուրի խաղում եգիպտոսցին ցուցանիշը բարելավելու հնարավորություն կունենա:
𝐓𝐇𝐈𝐑𝐓𝐘 La Liga goals for Kylian Mbappé.
— B/R Football (@brfootball) May 24, 2025
And he takes the lead for the European Golden Shoe 🏃♂️ pic.twitter.com/SXNYUoRAnc
Թարմացված է, 24.05.2025թ., ժ.՝ 20:50
Եվս մեկ գոլ Կիլիան Մբապեն խփել է երկրորդ խաղակեսում: Ֆրանսիացի ռմբարկուն այժմ վարկանիշային աղյուսակը գլխավորում է 62 միավորով:
