ՊՍԺ-ի վինգեր Ուսման Դեմբելեն ճանաչվել է Չեմպիոնների լիգայի 2024/25 մրցաշրջանի լավագույն ֆուտբոլիստ, հայտնում է ՈՒԵՖԱ-ի մամուլի ծառայությունը։
Ֆրանսիացի ֆուտբոլիստը մրցաշարի 15 խաղում 8 գոլ է խփել, կատարել 6 ասիստ։
«Պարի Սեն-Ժերմենում» Դեմբելեի խաղընկեր Դեզիրե Դուեն էլ ճանաչվել է Չեմպիոնների լիգայի լավագույն երիտասարդ ֆուտբոլիստ։
19-ամյա վինգերը մրցաշարի եզրափակիչի հերոսն էր. նա Միլանի «Ինտերի» դեմ վճռորոշ խաղում (5-0) դուբլ է գրանցել ու ասիստ կատարել։ Ընդհանուր առմամբ` Դուեն մրցաշարի 16 խաղում 5 գոլ է խփել և 5 արդյունավետ փոխանցում կատարել։
