ՈՒԵՖԱ-ն հաստատել է, որ Կոնֆերենցիաների լիգայի խմբային փուլի վերջին տուրում «Տոտենհեմի» ու «Ռենի» միջև նախատեսված խաղն այսօր չի կայանա՝ գրում է Football.London-ը:
«Մենք հաստատում ենք, որ «Տոտենհեմ» – «Ռեն» խաղն այսօր չի կայանա: Լրացուցիչ տեղեկություն կհաղորդվի ժամանակին»,- աղբյուրը մեջբերում է կազմակերպության մամուլի հաղորդագրությունը:
Կողմերն այժմ բանակցություններ են վարում խաղի նոր ժամանակացույցի որոշման վերաբերյալ:
Հիշեցնենք, որ «Տոտենհեմում» կորոնավիրուսի համավարակի մեծաթիվ դեպքեր են արձանագրվել: Հաստատված է, որ ակումբի 13 ներկայացուցիչ, որոնցից 8-ը՝ հիմնական թիմի ֆուտբոլիստներ, վարակված են COVID-19-ով:
