Աշխարհի երկրորդ ռակետ, բելառուս թենիսիստուհի Արինա Սոբոլենկոն նվաճեց «Մեծ սաղավարտի» տարվա երրորդ մրցաշար «Ուիմբլդոնի» 1/8 եզրափակիչի ուղեգիր:
Երրորդ շրջանում Սոբոլենկոն 6-2, 6-3 հաշվով հաղթեց ռուսաստանի ներկայացուցչուհի Աննա Բլինկովային: Մրցախաղը տևեց 1 ժամ 20 րոպե:
Սոբոլենկոն կարիերայում երկրորդ անգամ նվաճեց «Ուիմբլդոնի» 1/8 եզրափակիչի ուղեգիր: 2021 թվականին նա հասել էր մինչև կիսաեզրափակիչ փուլ:
Քառորդ եզրափակիչի ուղեգիր նվաճելու համար բելառուս թենիսիստուհին ուժերը կչափի ռուս Եկատերինա Ալեքսանդրովայի հետ (21-րդ ռակետ):
