Լուգանսկի «Զարյայի» ուկրաինացի պաշտպան Օլեգ Դանչենկոն կլինիկական մահ է տարել Թուրքիայում ընթացող հավաքի մարզման ժամանակ, հայտնում է «Обозреватель»-ը:
28-ամյա ֆուտբոլիստի սիրտը երեք անգամ կանգ է առել։ Երջանիկ պատահականությամբ՝ մարզումային խաղադաշտի հարևանությամբ վերապատրաստման միջոցառում են անցկացրել ավստրիացի բժիշկները, որոնց հաջողվել է երրորդ փորձից վերականգնել Դանչենկոյի սրտի աշխատանքը:
Ուկրաինացին անմիջապես հոսպիտալացվել է, հնարավոր է, որ պահանջվի վիրահատություն:
Հիշեցնենք, որ հունվարին ճանապարհատրանսպորտային պատահարի հետևանքով մահացել էր Օլեգ Դանչենկոյի կինը:
