«Բավարիայի» պատվավոր նախագահ Ուլի Հենեսը խոսել է ֆուտբոլային գործակալների մասին։
«Ես նայեցի այն ֆուտբոլիստների ցանկը, որոնք ամռանը ազատ գործակալ կդառնան։ Դրա հետևում միայն գործակալներն են կանգնած, քանի որ նրանք ֆուտբոլիստներին քաջալերում են՝ չերկարաձգելու պայմանագրերը։ Արդյունքում՝ ակումբները զրկվում են գումար վաստակելու հնարավորությունից։
Գործակալն իր հաճախորդներին ասում է. «Եթե դու բավարար չափով կոպիտ լինես ու կարողանաս պայմանագրի վերջին տարին էլ դիմանալ՝ հնարավորություն կունենաս մեծ գումարներ աշխատել, քանի որ մենք ստորագրելիս պարգևավճար կպահանջենք։
Եվ դա շատ վտանգավոր իրադարձությունների զարգացում է։ Այսպես չի կարող շարունակվել»,- ասել է Հենեսը՝ 11 Leben անունը կրող պոդկաստում։
