«Բավարիայի» կենտրոնական պաշտպան Դայո Ուպամեկանոյի՝ «Ռեալ» տեղափոխությունը ավելի հավանական է դառնում, գրում է Bild-ը:

Մյունխենյան ակումբը բանակցություններ է վարում ֆրանսիացու հետ պայմանագրի երկարաձգման հարցում, սակայն 26-ամյա խաղացողը պահանջում է տարեկան 20 միլիոն եվրո աշխատավարձ, ինչը չի բավարարում «Բավարիային»: 

«Ռեալի» տրանսֆերային ցանկում Ուպամեկանոն շրջանցել է Իբրահիմա Կոնատեին: «Արքայական ակումբը» պատրաստ կլինի 20 միլիոն եվրո բոնուս վճարել, եթե ֆրանսիացին չերկարաձգի պայմանագիրը և ազատ գործակալի կարգավիճակում տեղափոխվի Մադրիդ: 

Լա լիգայի և Բունդեսլիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):