«Ուրարտուն» պայմանագիր է կնքել բրազիլացի կիսապաշտպան Ալեֆ Սանթոսի հետ, հայտնում է ակումբի մամուլի ծառայությունը։
28-ամյա ֆուտբոլիստը 2019թ. ապրիլից հանդես էր գալիս Վրաստանի առաջնությունում և խաղացել է Բաթումի «Դինամոյում» ու Գորիի «Դիլայում»։ Նա Վրաստանի առաջնությունում 142 խաղում խփել է 5 գոլ, կատարել 9 ասիստ։
Երևանյան ակումբն այս տրանսֆերային պատուհանին պայմանագիր է կնքել նաև ռուս կիսապաշտպան Մաքսիմ Պալիենկոյի և բրազիլացի վինգեր Բրունո Միշելի հետ։
