Վրաստանը ներկայացնող Անաստասիա Գուբանովան, որն Ուկրաինայում ծավալվող «ռազմական հատուկ գործողությունից» առաջ ներկայացնում էր Ռուսաստանը, Ֆինլանդիայում հռչակվել է գեղասահքի կանանց Եվրոպայի չեմպիոն:
Երկրորդ տեղը զբաղեցրել է Բելգիայի ներկայացուցիչ Լունա Հենդրիքսը, երրորդը՝ Շվեյցարիան ներկայացնող Կիմի Ռեպոնդը:
Գեղասահք, Եվրոպայի առաջնություն, Էսպոո, Ֆինլանդիա, Կանայք
- Անաստասիա Գուբանովա (Վրաստան) – 199.91
- Լունա Հենդրիքս (Բելգիա) – 193,48
- Կիմի Ռեպոնդ (Շվեյցարիա) - 192,51
- Եկատերինա Կուրակովա (Լեհաստան) – 186,90
- Նինա Պինզարոն (Բելգիա) – 185,92
- Նիյնա Պետրիկինա (Էստոնիա) – 183,74
- Յաննա Յուրկինեն (Ֆինլանդիա) – 176,96
- Լարա Նակի Գուտման (Իտալիա) - 169,29
Հատկանշական է, որ 10 տարվա մեջ առաջին անգամ կանանց մենասահքում չեմպիոն է հռչակվում այնպիսի գեղասահորդ, որը Ռուսաստանի ներկայացուցիչ չէ: Չնայած դրան՝ Անաստասիա Գուբանովան մարզվում է Եվգենի Ռուկավիցինի գլխավորությամբ Սանկտ Պետերբուրգում:
Նախորդ դեպքը, երբ կանանց մենասահքում Եվրոպայի չեմպիոն է հռչակվել Ռուսաստանը չներկայացնող գեղասահորդ, եղել է 2013 թվականին (Կարոլինա Կոստներ, Իտալիա): Դրանից հետո՝ մինչև այս տարի, չեմպիոն են հռչակվել միայն Ռուսաստանի ներկայացուցիչները՝ Յուլիա Լիպնիցկայան (2014թ.), Ելիզավետա Տուկտամիշևան (2015թ.), Եվգենիա Մեդվեդևան (2016 և 2017 թվականներ), Ալինա Զագիտովան (2018թ.), Սոֆյա Սամոդուրովան (2019թ.), Ալյոնա Կոստորնայան (2020թ.) և Կամիլա Վալիևան (2022թ.): 2021 թվականին մրցաշարը չեղարկվել է կորոնավիրուսի համավարակի պատճառով:
