Գերմանական «Վոլֆսբուրգի» 19-ամյա կիսապաշտպան Աստեր Վրանկսը տեղափոխվել է իտալական «Միլան», հաղորդում է ակումբի մամուլի ծառայությունը։
Իտալիայի չեմպիոնը վարձակալել է բելգիացի ֆուտբոլիստին՝ տրանսֆերային իրավունքը հետագայում գնելու պայմանով։
Ավելի վաղ հայտնի էր դարձել, որ «Ռոսոներիները» Վրանկսի տրանսֆերը իրավունքը կարող են ձեռք բերել 12 միլիոն եվրոյի դիմաց։
Հաղորդվում է նաև, որ «Միլանը» նախքան ամառային տրանսֆերային պատուհանի փակվելը կարող է ավարտին հասցնել «Բարսելոնայի» պաշտպան Սերժինո Դեստի տրանսֆերը։
