Գերմանիայի Դյուսելդորֆ քաղաքում ընթացող շախմատի WR Chess Masters մրցաշարի երկրորդ տուրում ԱՄՆ-ի ներկայացուցիչ Լևոն Արոնյանը սևերով 30-րդ քայլին հաշտություն կնքեց գերմանացի Վինսենտ Կեյմերի հետ:
Ոչ-ոքի ավարտվեցին նաև նիդերլանդցի Անիշ Գիրիի և ԱՄՆ-ի ներկայացուցիչ Ուեսլի Սոյի, լեհ Յան-Քշիշտոֆ Դուդայի և ռուսաստանցի Յան Նեպոմնյաշչնու պարտիաները:
Ուզբեկ Նոդիրբեկ Աբդուսատորովը հաղթեց ռուսաստանցի Անդրեյ Եսիպենկոյին, հնդիկ Դոմարաջու Գուկեշը պարտության մատնեց իր հայրենակից Ռամեշբաբու Պրագնանանդհային:
2 տուրից հետո Լևոն Արոնյանը Նոդիրբեկ Աբդուսատորովի, Ուեսլի Սոյի և Դոմարաջու Գուկեշի հետ 1,5 միավորով գլխավորում է մրցաշարային աղյուսակը: Նախորդ տուրում նա սպիտակներով հաղթել էր Ռամեշբաբու Պրագնանանդհային։
Փետրվարի 18-ին կայանալիք երրորդ տուրում Հայաստանի հավաքականի նախկին առաջատարը սպիտակներով կմրցի Նոդիրբեկ Աբդուսատորովի հետ:
