Կատալոնական «Բարսելոնայի» 18-ամյա վինգեր Լամին Յամալը Մադրիդի «Ռեալի» դեմ Լա լիգայի 10-րդ տուրում կայանալիք արտագնա խաղից առաջ ինստագրամյան էջի Stories բաժնում լուսանկարով հիշեցրել է նախորդ մրցաշրջանում «Սանտիագո Բեռնաբեու» ստադիոնում իր խփած գոլի տոնումը: Լուսանկարում Յամալի` գոլը տոնելու ֆոնին մադրիդյան թիմի զայրացած երկրպագուներն են:

Ավելի վաղ Եվրոպայի չեմպիոնին, երբ հարցրել էին, թե արդյոք իսպանական «Քինգս լիգա» մեդիա ֆուտբոլային մրցաշարի «Պորսինոս» թիմը նմա՞ն է Մադրիդի «Ռեալին», իսպանացին պատասխանել էր. «Այո, իհարկե։ Նրանք խաբում են և բողոքում»։

Յամալը նաև չէր ​​բացառել, որ «Բարսելոնան» կարող է կրկին 4-0 հաշվով ջախջախել «Արքայական ակումբին» «Սանտիագո Բեռնաբեուում», ինչպես նախորդ մրցաշրջանում։

Հիշեցնենք, որ նախորդ 4 «Էլ Կլասիկոներում» հաղթել էր «Բարսելոնան», այդ թվում` Իսպանիայի Սուպերգավաթում և Արքայական գավաթում` նվաճելով այդ տիտղոսները:

«Էլ Կլասիկոն» կկայանա հոկտեմբերի 26-ին և ժամը 19:10-ից կլինի «Ֆասթ Սպորտ»-ի ուղիղ եթերում։

Լա լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):

Կարդացեք նաև`

• «Ռեալ» - «Բարսելոնա». Մրցավարական անձնակազմը
• Շչեսնի. «Նա այժմ լավագույններից մեկն է և իմ մղձավանջը»
• Լապորտա. «Վստահ եմ` «Բարսան» կհաղթի «Ռեալին»»
• Ալոնսո. «Ժամանակն է անել հաջորդ քայլը»
• «Էլ Կլասիկո». «Ռեալի» հայտացուցակը
• «Էլ Կլասիկո». «Բարսելոնայի» հայտացուցակը