Ռուս գրոսմայստեր Յան Նեպոմնյաշչին և ՖԻԴԵ-ի դասակարգման աղյուսակի առաջատար, նորվեգացի Մագնուս Կառլսենը դարձել են կայծակնային շախմատի աշխարհի չեմպիոններ:
Նյու Յորքում կայացած մրցաշարի եզրափակիչ մրցախաղում Կառլսենը հաղթել է առաջին երկու պարտիաներում, սակայն Նեպոմնյաշչին հաջորդ երկու պարտիաներում առավելության է հասել և հավասարեցրել հաշիվը։ Լրացուցիչ երեք պարտիա է անցկացվել, բոլորում գրանցվել է ոչ-ոքի: Կառլսենի առաջարկով որոշվել է չեմպիոնի կոչումը շնորհել երկու գրոսմայստերներին։
Կայծակնային շախմատի աշխարհի առաջնության պատմության մեջ նման դեպք չէր եղել, երբ չեմպիոնությունը շնորհվեր երկու շախմատիստի:
