Ռումինիայի հավաքականի և շոտլանդական «Գլազգո Ռեյնջերսի» կիսապաշտպան Յանիս Հաջին կարիերան շարունակելու է Իսպանիայում: Գլազգոն ներկայացնող ակումբը պաշտոնապես հայտնել է «Ալավեսի» հետ վարձակալական պայմանագիր կնքելու մասին:
«Ռեյնջերսը» նշել է, որ վարձակալությունը 24-ամյա ֆուտբոլիստին թույլ կտա նորից լավ մարզավիճակ հավաքել ծանր վնասվածքից հետո, որի պատճառով բաց է թողել գրեթե մեկ տարի:
Լեգենդար Գեորգե Հաջիի որդին «Ռեյնջերս» է տեղափոխվել 2020 թվականին և այս ընթացքում հասցրել դառնալ Շոտլանդիայի չեմպիոն ու գավաթակիր:
«Ռեյնջերսում» անցկացրած 98 խաղում կիսապաշտպանը դարձել է 16 գոլի ու 21 ասիստի հեղինակ:
