Հունահռոմեական ոճի ըմբշամարտի Օլիմպիական խաղերի ոսկե, կրկնակի արծաթե և բրոնզե մեդալակիր, աշխարհի քառակի և Եվրոպայի 7-ակի չեմպիոն Արթուր Ալեքսանյանը (97 կգ) Բրատիսլավայում ընթացող Եվրոպայի առաջնության կիսաեզրափակիչում 1-2 հաշվով պարտվեց Բուլղարիան ներկայացնող Կիրիլ Միլենով Միլովին:

33-ամյա Ալեքսանյանը պարտեր դրությունում վերևից աշխատելիս միավոր չկարողացավ վաստակել, իսկ մրցակիցը կարողացավ հասնել նրա թիկունք և հաշիվը դարձնել 2-1:

Լեգենդար Ալեքսանյանն ապրիլի 13-ին կգոտեմարտի բրոնզե մեդալի համար:

Եվրոպայի առաջնության վճռորոշ գոտեմարտերը ցուցադրվում են «Ֆասթ Մեդիա»-ի հեռուստաալիքների ուղիղ եթերում ու Fast TV հավելվածում (iOS, Android)։