Թուրինի «Յուվենտուսի» եզրային հարձակվող Սամուել Մբանգուլան տեղափոխվել է Բրեմենի «Վերդեր», հաղորդում է ակումբի մամուլի ծառայությունը:

21-ամյա ֆուտբոլիստի տրանսֆերի համար գերմանական ակումբը վճարել է 10 միլիոն եվրո: Կողմերը երկարաժամկետ պայմանագիր են ստորագրել:

Բելգիացին «Յուվենտուսի» համակարգում էր 2021 թվականից։ 2024/25 մրցաշրջանում նա թուրինյան թիմի կազմում 32 խաղում խփել էր 4 գոլ և կատարել 5 գոլային փոխանցում։