«Բետիսի» նախագահին դուր չի եկել «Սևիլիայի» գրառումը: Անդալուզյան ակումբը Կոնֆերենցիաների լիգայի եզրափակիչից հետո շնորհավորել է գավաթը նվաճած «Չելսիի» գլխավոր մարզիչ Էնցո Մարեսկային:
«Շնորհավորում ենք մեր սիրելի Էնցո Մարեսկային մարզչական կարիերայի առաջին եվրագավաթը հաղթելու կապակցությամբ»,- գրել էր «Սևիլիայի» էջը X սոցիալական ցանցում:
«Բետիսի» նախագահ Անխել Արոն այդ գրառմանը հեգնական պատասխան է գրել.
«Ես էլ շնորհավորում եմ «Սևիլիային», որ այս տարի կարողացավ տեղը պահպանել Լա Լիգայում»:
Էնցո Մարեսկան «Սևիլիայում» է խաղացել 2005-2009 թվականներին: Անդալուզյան թիմն Իսպանիայի առաջնության 2024/25 մրցաշրջանում զբաղեցրել է 17-րդ տեղը:
