Նիդերլանդների հավաքականի նախկին ֆուտբոլիստ Կլարենս Զեդորֆը քննադատել է «Ռեալի» դարպասապահ Տիբո Կուրտուային «Արսենալի» դեմ Չեմպիոնների լիգայի քառորդ եզրափակիչի խաղում (0-3) բաց թողած գոլի համար:
«Կուրտուան վատ էր կառուցել «պատը». ընդամենը 4 հոգի ու դեպի դարպասը տանող ազատ ճանապարհ: Բայց այդպիսի իրավիճակում դեռ պետք էր կողմնորոշվել ու փայլուն հարված կատարել, ինչն էլ արեց Ռայսը:
Նա շատ վստահ մոտեցավ գնդակին ու իդեալական իրացրեց. նույնիսկ Սուպերմենը հետ չէր մղի այդ հարվածը», - Զեդորֆի խոսքն է մեջբերում AS-ը:
