
«Բենֆիկայի» գլխավոր մարզիչ Ժորժե Ժեզուշը լքել է պաշտոնը՝ հաղորդում է պորտուգալական ակումբի պաշտոնական կայքը։
Պայմանագիրը խզվել է երկուստեք համաձայնությամբ։ Մարզչի գլխավոր պաշտոնակատար է նշանակվել Նելսոն Վերսիմոն։ Ակումբում հավելել են, որ շարունակելու են կատարել բոլոր պայմանագրային պարտավորությունները, քանի դեռ Ժեզուշը նոր ակումբ չի գտել։
Ժեզուշը «Բենֆիկան» գլխավորել է 2020 թվականի հունիսից։ «Բենֆիկան» 15 խաղերից հետո վաստակած 37 միավորով 3-րդն է Պրեմեյրայի մրցաշարային աղյուսակում։