«Բավարիայի» պաշտպան Նիկլաս Զյուլեն հրաժարվել է նոր պայմանագիր կնքել մյունխենյան ակումբի հետ։

Bild-ի լրագրող Քրիստիան Ֆալկի հաղորդմամբ՝ գերմանացուն տարեկան 10 մլն եվրո աշխատավարձ են առաջարկել, սակայն նա պատասխանել է մերժումով։ 26-ամյա ֆուտբոլիստը հիմա կարող է նախնական պայմանագիր կնքել ցանկացած ակումբի հետ։

Նրանով հետաքրքրված են «Բարսելոնան», «Չելսին» ու «Նյուքասլը»։ Նիկլասը 5-րդ մրցաշրջանն է անցկացնում «Բավարիայում»։