Մադրիդի «Ռեալը» հայտարարել է գլխավոր մարզչի պաշտոնից Չաբի Ալոնսոյին հեռացնելու մասին: Գլխավոր մարզչի ժամանակավոր պաշտոնակատարը կլինի Ալվարո Արբելոան:
«Չաբի Ալոնսոն միշտ կվայելի բոլոր մադրիդիստների սերն ու հարգանքը, քանի որ նա «Ռեալի» լեգենդ է և միշտ մարմնավորել է մեր ակումբի արժեքները։ «Ռեալը» միշտ կլինի նրա տունը։
Մեր ակումբը շնորհակալություն է հայտնում Ալոնսոյին և նրա ամբողջ մարզչական անձնակազմին այս ընթացքում իրենց աշխատանքի և նվիրվածության համար և մաղթում է նրանց հաջողություն կյանքի նոր փուլում»,- նշված է ակումբի հայտարարությունում:
Նրա գլխավորությամբ «Ռեալը» բոլոր մրցաշարերում անցկացրել է 34 խաղ, տարել 24 հաղթանակ, պարտվել 6 մրցավեճում և գրանցել 4 ոչ-ոքի։
Հիշեցնենք, որ հունվարի 11-ին «Ռեալն» Իսպանիայի Սուպերգավաթի եզրափակիչում 2-3 հաշվով պարտվել էր կատալոնական «Բարսելոնային»:
