Կատալոնական «Բարսելոնայի» և Իսպանիայի ազգային հավաքականի 27-ամյա կիսապաշտպան Այտանա Բոնմատին երրորդ տարին անընդմեջ ստացավ կանանց ֆուտբոլի «Ոսկե գնդակ» մրցանակը:

2024/25 մրցաշրջանում Բոնմատին «Բարսելոնայի» հետ դարձել էր Իսպանիայի չեմպիոն, գավաթակիր և սուպերգավաթակիր: Բոնմատին խփել էր 20 գոլ և կատարել 16 ասիստ:

Իսպանիայի ազգային հավաքականի կազմում նա հասել էր Եվրոպայի առաջնության եզրափակիչ, որտեղ պարտվել էին Անգլիայի թիմին:

Բոնմատիին «Ոսկե գնդակը» հանձնեց իր լեգենդար հայրենակից Անդրես Ինիեստան: