Թենիսի կանանց Հայաստանի հավաքականը երրորդ հաղթանակն է տարել Բիլի Ջին Քինգի գավաթի խաղարկությունում։
Եվրոպական գոտու երրորդ ենթախմբում հունիսի 18-ին Ալինա Սողոմոնյանի և Անի Ամիրաղյանի հաղթանակների շնորհիվ առավելության են հասել Մալթայի դեմ մրցախաղում։
Անկախ զուգախաղի արդյունքից` Գայանե Մովսիսյանի գլխավորած թիմն արդեն ապահովել է ընդհանուր հաղթանակը։
Հայաստանի հավաքականն իր խմբում գրավեց առաջին տեղը, կմասնակցի հատուկ փլեյ-օֆֆի և կպայքարի երկրորդ ենթախումբ տեղափոխվելու համար։ Փլեյ-օֆֆին կմասնակցեն մյուս խմբերի հաղթողները։
