Արտիստը հիշեցրել է Եվրոպական հեռարձակողների միության (EBU) ներկայացուցիչների հայտարարությունները, որոնք պնդում էին, որ մրցույթը քաղաքական չէ։ Այնուամենայնիվ, այն բազմիցս օգտագործվել է լուրջ խախտումների մեջ մեղադրվող պետության կերպարը մեղմելու համար։ «Երբ բոլոր երկրները հրաժարվում են մասնակցությունից այս հակասության պատճառով, պետք է պարզ լինի, որ ինչ-որ բան խորապես սխալ է։ Ահա թե ինչու ես որոշեցի իմ գավաթը հետ ուղարկել EBU-ի Ժնևի գլխավոր գրասենյակ։», - նշել է Նեմոն։

Երաժիշտը շնորհակալություն է հայտնել հանդիսատեսին և հույս հայտնել, որ նրանք կհասկանան և կաջակցեն իր որոշմանը։ «Ես միշտ շնորհակալ կլինեմ Եվրատեսիլի համայնքին, այն երկրպագուներին, ովքեր քվեարկել են, այն արտիստներին, որոնց հետ կիսել եմ բեմը, և այն փորձառություններին, որոնք ձևավորել են ինձ որպես անհատ և երաժիշտ։ Այս որոշումը բխում է Եվրատեսիլի խոստացած արժեքների նկատմամբ հոգատարությունից, այլ ոչ թե այն մարդկանց մերժելուց, ովքեր այն յուրահատուկ են դարձնում։ Երաժշտությունը դեռևս կապում է մեզ։ Այս համոզմունքը չի փոխվել», - հավելել է արտիստը։

Հիշեցնենք, որ 2026 թվականի 70-ամյա հոբելյանական «Եվրատեսիլ» երգի մրցույթը կանցկացվի Վիեննայում գարնանը։