Իտալիայի չեմպիոն «Նապոլին» հայտարարել է, որ ակումբը նոր ստադիոն կկառուցի` Եվրո-2032-ի հանդիպումներ ընդունելու համար:
Առաջարկվել է վերակառուցել «Նապոլիի» տնային ստադիոնը, այս հարցը քննարկվել է ՈՒԵՖԱ-ի, Իտալիայի ֆուտբոլի ֆեդերացիայի, տեղական իշխանությունների և «Նապոլիի» ղեկավարության միջև հանդիպման ժամանակ: Որևէ որոշում չի կայացվել, նշվում է, որ «Դիեգո Մարադոնա» ստադիոնը վերակառուցման համար հարմար չէ:
«Երկու տարվա ուսումնասիրություններից հետո մենք բացառել ենք Դիեգո Մարադոնայի անվան ստադիոնում ներդրումներ կատարելու հնարավորությունը։ Նույնիսկ Խորհրդի կողմից առաջարկված փոփոխությունները, որոնք անբավարար էին, թույլ չեն տա մարզադաշտը բերել ժամանակակից մակարդակի։ «Նապոլին» մտադիր է սեփական միջոցները ներդնել Եվրո-2032-ը հյուրընկալելու ունակ նոր մարզադաշտի կառուցման մեջ։ Ակումբը քաղաքի այն հատվածն է ընտրել, որտեղ նոր մարզադաշտի կառուցումը զգալի ներդրում կունենա քաղաքի վերականգնման գործում՝ առանց լրացուցիչ ծախսերի»,- նշված է ակումբի հաղորդագրությունում:
